Ngaca ing
jembaring kaca rasa
Sinambi
nintingi pitakon kang kadhang kala
Manjing
sajroning dhadha
Sinambi tetep
jumangkah mecaki jembaring ara-ara
Kanggo
nemokake ana ngendi dumununge kamardikaning jiwa
Adoh ing
kana katon keplasing thathit ing jembaring langit
Sing kumawa
aweh cecolok
Kanggo
bocah-bocah cilik kang lagi dolanan dhakon
Saka kono
aku dadi kepingin takon
Marang laron
kang kekiter sangarepe lampu teplok
Apa bener
yen tembung lungit iku isih kebak penganggit?
Tidak ada komentar:
Posting Komentar