Sandhiwara

Satemene aku wis ngerti 
yen sing dumadi ing wengi kuwi mung sawates sandhiwara
Sing terus mbabar lakon nganyuwara
Nanging sing kudu kokelingi
 Lakon kang kabar kuwi tanpa kaca rasa

Nalika ing ndhuwur panggung kabeh pancen bisa weneh sabda
Ngenani endi bener lan endi sing luput
Pancen perlu disaring amrih bisa ndulu kanthi damang
Saengga mengko ora bakal kaget
Menawa ana wong sing seneng weneh sabda
Tibane nduweni tumindak culika

Menawa srengenge ora bisa weneh pepadhang
Ing sajrone awan
Utawa mbulan ora bisa mbabar cahya 
Ing sajrone wengi
Sliramu ora perlu wedi ngadhepi petenge donya
Jalaran yen sliramu bisa ngerteni jatining dhiri
Samesthine bakal nemoni cahya sejati
Sing ora bakal ilang ing sadawaning mangsa